مخبوزات الباشا Al Basha Baking✓ Add us as a preferred source on Google

(أعمل ماتحب حتى تحب ماتعمل) برحب فيكم بقناة مخبوزات الباشا انا الشيف محمود رجب باشا كنت متل كتير من الناس من صغري هاوي صنع معجنات وحلويات. ضلت هي الهواية مرافقتني وعم تكبر معي درست بكلية الحقوق وامتهنت المحاماة وعملت دراسات عليا بالإدارة العامة وشغلت مناصب إدارية بجامعة حلب حتى صارت الثورة السورية و انتهى كل شي من لحظة مغادرتي للبلد متل ملايين السوريين لتبدء رحلة الهجرة والغربة والبحث عن ملاذ آمن مرورا بمصر اللي قضيت فيها ثلاث سنوات حتى وصولي لالمانيا. كان صعب على مارس مهنة المحاماة لعدة اسباب فلفت نظري الخبز والمعجنات والحلويات الألمانية بتنوعها واتقانها وقررت حول هوايتي لمهنة واتيحت الي الفرصة اني اتعلم المهنة لثلاث سنوات بشكل اكاديمي مع تطبيق عملي بمخبز تقليدي للخبز والحلويات الألمانية. قررت اعمل هالقناة حتى اقدم فيها وصفات انا بحبها من زمان ووصفات تعلمتها بألمانيا. بتمنى اقدم شي ممتع ومفيد.